ശൈഖ് അബുൽ ഫുത്തൂഹ് അത്തക്കരീത്തി(റ) പറയുന്നു:ശൈഖ് മുസസ്സുവലി(റ) ഹജ്ജിന്ന് പോകുന്ന വഴിമധ്യേ ബഗ്ദാദിൽ വന്നപ്പോൾ ഞാനും എൻ്റെ പിതാവും അദ്ദേഹത്തിൻ്റെ കൂടെ നിൽക്കുകയായിരുന്നു. അദ്ദേഹം ശൈഖ് ജീലാനി(റ) വിനെ ചെന്ന് കണ്ടപ്പോൾ മറ്റാരോടും കാണിക്കാത്ത മര്യാദയും ബഹുമാനവും കാണിക്കുന്നത് ഞങ്ങൾക്ക് കാണാനിടയായി. പിന്നീട് ഞങ്ങൾ തനിച്ചായ സമയത്ത് എൻ്റെ പിതാവ് അദ്ദേഹത്തോട് ചോദിച്ചു:
ശൈഖ് അബ്ദുൽ ഖാദിർ ജീലാനി(റ)വിനെ ബഹുമാനിക്കുന്നത് പോലെ മറ്റാരേയും നിങ്ങൾ ബഹുമാനിക്കുന്നത് ഞങ്ങൾ കണ്ടിട്ടില്ലല്ലോ?
ഉടനെ അദ്ദേഹം പറഞ്ഞു: ശൈഖ് അബ്ദുൽ ഖാദിർ ജീലാനി(റ) നമ്മുടെ കാലഘട്ടത്തിലെ ജനങ്ങളിൽ ഏറ്റവും ഉത്തമനും എല്ലാ ഔലിയാക്കളുടേയും സുൽത്താനും ആരിഫീങ്ങളുടെ നേതാവുമാണ്. ആകാശത്തെ മലക്കുകൾ പോലും അദബ് പാലിക്കുന്ന വ്യക്തിത്വത്തിന് മുന്നിൽ ഞാനെങ്ങനെ അദബ് കാണിക്കാതിരിക്കും.?
